Lou grand Galejoun se recounèis bèn emé soun grand còu, soun long bè, si lóngi pato e sa coulour griso.
Presènto pas de vertadié dimourfirme seissuau (li coulour dóu mascle soun soucamen un pau mai vivo en poutannado nouvialo).
Li bord de la caloto soun bèn negre encò de l'adulte, perlounga pèr un capelut.
Lou bè es jaune subre-tout dóu tèms nouviau. Sus l'avans, lou còu presènto de raio negro.
lou plumage es gris mai li peno, li rectriço soun negro e lou vèntre blanc.
Li pichóti cuberto soun tambèn negre emè uno taco blanco sus lou pougnet.
Soun crid "waaar" (quouro pren sa voulado) es rufe e raspinous.
Li grand Gelejoun soun moutounié dóu tèms de la reprouducioun.
Nison dins de grands aubre (enjusqu'à dès nis dins lou meme aubre) o de cop que i'a dins li sagniero.
Lou Galejoun grand manjo subre-tout de pèis mai tambèn de granouio, de serp, de rato-courto...
Au nostre l'espèci se carrejo bèn. Es poussible d'en vèire à Marsiho long d'Uvèuno.

Etimoulougìo : - Galejoun, d'après Honnorat, vèn dóu noum d'un estang à coustat de Fos (estang Galejon).
                       - grand bord qu'au nostre, es lou mai grand galejoun.

Lou Galejoun grand es esta descri pèr Carl von Linné en 1758 souto lou noum de Ardea cinerea.(Gènre : Ardea, Carl von Linné, 1758)
I'a 4 souto-espèci de Passeroun de tèulisso recouneigudo pèr lou coungrès ournitoulougi internaciounau en vaqui dos :

Ardea cinerea cinerea

Palun de Castèu-nòu dóu Martegue (Prouvènço ; Plano de coustiero ; Mar de berro)

Ribo d'Arc à z'Ais (Basso Prouvènço)

Vièi port Arrecife (Espagno ; Canàri ; Lanzarote)

                       

Ardea cinerea jouyi

A. c. jouyi es esta descri pèr Austin Clark, en 1907.

Es uno souto-espèci de coulour un pau mai claro subretout l'esquino e lis alo. Lou gris è mai uni senso variacioun.
Lou bè sèmblo mai rose mens jaune.

Estang à Gyeongju (Courèio ; Gyeongsangbuk-do)

terro-nostro.fr : site en prouvènçau sus la naturo en Prouvènço e aiours        © Prouvènço Naturo 2023