Lou Milan megre se recounéis pulèu eisa en vòu emé sa co lóugeiramen fourcado (triangulàri quouro desplega) .
La tèsto es griso striado de negre. Lou bè es negro. L'entour di narro, l'iris e li pato soun jauno
Lou dessous es brun rous. La co es griso barrado de sourno.
Lou jouine es mai clar (brun chamous), li partido jauno soun tambèn mai claro.
Soun crid lou mai frequènt es un siblamen agu trantaia descendènt sus la fin "piiuuu u u u u".
A besoun de mitan dubert pèr cerca soun nourrimen e d'aubre pèr nisa.
Manjo de cadrabre de bèsti subre-tout de mamifèr, coumpleto emé d'insèite qu'aganto en vòu.
I'a 5 souto-espèci de Milan negre. Aquéli di mitan tempera migron vers lou miejour. lis àutri soun sedentàri.

Etimoulougìo : - Milan vèn dóu latin milvus,
- negre bord qu'es mai moure que soun cousin lou Milan co-fourca.

Lou Milan megre es esta descri pèr Boddaert, 1783.
.
I'a 5 souto-espèci de Milan negre recouneigudo pèr lou coungrès ournitoulougi internaciounau en vaqui dos :

Milvus migrans migrans

Coussòu de Pèu de mèu (Prouvènço ; Crau)

Milvus migrans lineatus

M. m. lineatus es esta descri pèr J. E. Gray, 1831.

Retrouban aquélo souto-espèci en Siberìo, au Japoun e en Indo-Chino. Sèmblo que se desvouloupo vers lou tremount.
M. m. lineatus a l'entour di narro blu-gris (Jaune enco de M.m.migrans).
La tèsto es mai bruno emé de gris soucamen à la fàci.
Li pato soun pulèu blanquinouso o blavenco raramen jaunasso.
La zouno blanco souto l'alo es mai larjo mai neto que pèr M.m.migrans.
Lou vèntre es mai clar que lou pitre.

Gou d'Halong (Viet-Nam)