Lou passeroun fèr presènto pas de vertadié dimourfirme seissuau (li coulour dóu mascle soun soucamen un pau mai vivo).
La caloto e la nuco soun marroun (un pau brico), la gauto blancasso emé uno viergulo negro au mitan.
Lou bè e la baveto soun negro. I'a un pichot coulas blancas entre la nuco e lou mantèu.
Soun crid ""tchip, tchrip" es mai fort qu'aquèu dóu passeroun de tèulisso. Es un crid de toco-toco bord, li dous soun d'espèci soucialo.
Niso dins uno carabougno. Lou resto de l'annado soun en group, de cop que i'a noumbrous (de fes emè soun cousin lou Passeroun de tèulisso).
Manjo au sòu de grano de planto erbouso e quàuqui insèite.
Es en rebusant en Prouvènço bord que trobo mèns d'endré ounte nisa.
I'a 9 souto-espèci de Passeroun fèr, en vaqui dos :

Etimoulougìo : - Passeroun vèn dóu latin passer,
                       - fèr bord que viéu, encò nostre, mèns procho dis oustau que soun cousin lou Passeroun de tèulisso.

Lou passeroun de tèulisso es esta descri pèr Carl von Linné en 1758 souto lou noum de Fringilla montana.
En 1760, lou francés Mathurin Brisson creo lou gènre Passer.
I'a 9 souto-espèci de Passeroun de tèulisso recouneigudo pèr lou coungrès ournitoulougi internaciounau en vaqui dos :

Passer montanus montanus

Santo Cecilo (Prouvènço ; Pargue Naturau de Camargo)

Passer montanus malaccensis

P. m. malaccensis es esta descri pèr Alphonse Dubois in 1885.

Dins l'asìo dóu miejour-levant lou passeroun fèr viéu meme dins li vilo, belèu bord que trouban pas lou passeroun de tèulisso dins aquèu relarg.
Es uno souto-espèci de coulour moure, coume P. m. saturatus, mai, es mai pichoto e mai regado sus si partido superiouro.

Orto à Siem Reap (Cambouge)

Orto e campagno is abord de Luang Prabang (Laos)

Passer montanus saturatus

P. m. saturatus es esta descri pèr Leonhard Hess Stejneger in 1885.

Dins lou levant de la Chino, en Courèio e au Japoun, lou passeroun fèr viéu meme dins li vilo (coume P. m. malaccensis).
Bessai bord qu'i'a pas lou passeroun de tèulisso dins aquèu relarg.
Es uno souto-espèci de coulour moure emé si partido superiouro mai regado, coume P. m. malaccensis, mai, es mai gros.
A tambèn lou bè mai fort que la souto-espèci nouminalo.

Vilage sus Incheon (Courèio)

terro-nostro.fr : site en prouvènçau sus la naturo en Prouvènço e aiours        © Prouvènço Naturo 2023