Haematopodidae
Lis Haematopodidae soun uno famiho emé un soulet gènre e 12 espèci.
Soun de taio mejano : 40 à 50 cm. Lou plumage es negre o blanc e negre.
Lou bè es long, de coulour arango. Li pato soun rose o roujo.
Frequenton lou mai souvènti-fes li ribo de mar.
Dins la sablo o sus li roucas trobon de moulusque (clauvisso, arrapedo, muscle).
Mai dins li terro, podon se nourri de verme e de larvo d'insèite.
Li femello soun un pau mai grosso que li mascle. Soun mounougame.
Defèndon soun territòri d'annado à-de-rèng.
Lou nis es pèr sòu. La femello pound 2 à 3 iòu e asseguro la majo-part de la couvesoun.
D'ùni fan coume li couguièu, e poundon dins li nis de gabianollo...
N'en trouban dins tóuti li relarg à despart de l'antarti, mai pas forço dins li mitan troupicau.
| Latin | Noum de referènci | Usita en Prouvènço |
|---|---|---|
| Haematopus | Clauvissièro negro | Clauvissièro, Clausissièro, Agasso de mar, Preirié, Praïrié(Iero) |
Espèci
| Latin | Noum de referènci | Noum emplega en Prouvènço |
|---|---|---|
| Haematopus moquini | Clauvissièro negro | Clauvissièro, Clausissièro, Agasso de mar, Preirié, Praïrié(Iero) |
| Haematopus ostralegus | Clauvissièro agasso | Clauvissièro, Clausissièro, Preirié, Praïrié(Iero) Agasso de mar, |
| Haematopus finschi | Clauvissièro agasso-novo-zelandeso | Clauvissièro, Clausissièro, Agasso de mar, Praïrié(Iero), Preirié |
| Haematopus unicolor | Clauvissièro negro-novo-zelandeso | Clauvissièro, Clausissièro, Agasso de mar, Preirié, Praïrié(Iero) |
