Recurvirostridae
Li Recurvirostridae soun uno famiho de 3 gènre e 10 espèci.
Soun afiela e proun grand (35 à 50 cm).
An de lóngi pato, un còu e un bè proun long e fin. Lis artèu soun tela.
Lou plumage es negre e blanc (emé de cop que i'a de taco bruno).
Lis Recurvirostridae soun d'aucèu di mitan umido e dubert. Vivon proche de l'aigo.
Manjon de pichòti bèsti aquati coume li moulusque, li crevelu, li babo d'insèite, li verme, li testard e li pichot pèis.
Nidon en coulounìo flaco e defèndon vigourousamen soun territòri.
Li dous parènt couvon lis iòu pièi abalissoun qàuqui mes li tres o quatre pichot.
Reston sus tóuti li countinent mai subre-tout en Asìo e en Australìo.
| Latin | Noum de referènci | Emplega en Prouvènço |
|---|---|---|
| Himantopus | Cambaru | Cambaru, Cambet, Cambasso, Escasso, Escarso(m,r) |
| Recurvirostra | Bè-de-leseno | Bè-de-leseno, Bè d'aleno(v), Bè recourba, Bèc recourba(n), Leseno, Alesno, Aleno, Areno(m), Aresno(g) |
Espèci
| Latin | Noum de referènci | Àutri noum |
|---|---|---|
| Himantopus himantopus | Cambaru blanc | Cambaru, Cambasso, Grand Cambet, Cambet, Escasso, Escarso(m,r) |
| Himantopus leucocephalus | Cambaru de la coto-negro | Cambaru, Cambaru negro, Cambasso, Grand Cambet, Cambet negre, Escasso, Escarso(m,r) |
