Anen Vèire Aiours

Musophagiformes

Musophagidae



Li Musophagiformes (1 famiho, 5 gènre e 23 espèci) soun d'aucèu que vivon soucamen dins lis aubre.
Soun de taio mejano (40 à 75 cm), trapot, emé uno grando co e d'alo pulèu courto e redounello.
Souvènti-fes, sa tèsto es capeludo e soun plumage forco acoulouri (verd, blu). An de pigmen particulié, unique.
Manjon subretout de fru (musa en latin es la banano); mai tambèn de fueio, de flour, de grano (plantage) e d'insèite.
Li musophagiformes jogon un role impourtant pèr l'escampihado di grano.
Soun moutounié; vanegon dins lis aubre en pichot group (10). Soun forço brusènt.
Fan de grand nis dins lou brancun. Pondon dous o tres iòu. Li pichot crebon l'iòu emé uno espesso plumacholo.
Li trobon soulamen en Africo troupicalo.