Fauno de Prouvènço

Pèr counèisse e recounèisse lis espèci di diferènt relarg

Li plano de coustiero

La Basso Prouvènço

erdequé de tiero de referènci binoumialo

Pèr la fauno e la floro en lengo nostro ?

  Se sian interessa d'en proumié is aucèu.
Avèn agu quàuqui pichot proublèmo toucant li noum :

- D'uno, proun d'aucèu an li mèmi noum, e de cop que i'a pèr d'espèci que soun forço aluenchdo dins la sistematico scientifico.
Pèr eisèmple : Tardarasso pèr li gènre : Caprimulgus, Circus, Buteo...
      lou noum Tèsto negro pèr lis espèci : Parus major, Montacilla alba, Sylvia melanocephala...

- De dous, proun d'aucèu an pas ges de noum pèr ço que sèmblo forço à d'autre, soun proun pichot o se veson pas gaire en liò.
Pèr eisèmple : pèr de Gabian g. Larus, de Becassoun g. Calidris o de Martèu g. Puffinus...

- De tres, mai que d'un an de noum proun noumbrous, e acò sènso counta li varianto dialeitalo. Es la richesso de la lengo nostro. Mai es necite, pèr un aproufichamen en ournitoulougìo, de n'en faire uno chausido.
Pèr eisèmple : pèr l'Esparvié : 15 noum recensa, 36 emé li varianto dialeitalo ; la Vaco-petouo : 23 noum, 48 varianto ;

- De quatre, se d'aucèu disparèisson de Prouvènço, d'autre nous vènon, coume Bulbucus ibis.
Li fau bèn nouma ! ...

  Se noste parla lou voulèn tournamai lou de Prouvènço, es necite, dins tóuti li relarg de la vido vidanto que siege asata i besoun, eisa à n'aprouficha, adounc moudernisa.
  Se poudèn pas acountenta de la souleto eisatitudo de la tiero scientifico en latin, gaire emplega sus lou terren pèr lis aucèu.
  Devèn semoundre i gènt, autambèn is assouciacioun afeciounado de l'auceliho, uno tiero qu'es de bon vèire. En demai es un biais coume n'i'a tant de proumòure e d'espandi la lengo, emai que l'escoumesso siegue pas eisado de teni.

Lou Gaiard

Pèr saupre coume avèn travaia :

Seguido