Cervidae

Li Cervidae soun uno famiho de Cetartiodactyla (ancianamen artiodactyla) de 19 gènre e 55 espèci.
Li mascle de la majo-part dis espèci porton un banage.
Li femello de rangié soun li soulo à pourta aqueste banage.
Lou banage toumbo à la fin de l'autouno e crèis cade printèms.
Lis mascle l'emplegon dins de vióulènt coumbat enterin que li femello soun en tempouro.
Li cervidae an de lòngui pato (soun de bon sautaire e de bon nadaire), de gràndis auriho e un pichoto co.
Souventi-fes, lou mascle es mai grand que la femello.
Mai que d'uno espèci an lou pelage samena de taco blanco.
Quàsi tóuti li cèrvi an de glando facialo dessubre cade uei.
Aquesto glando proudus uno feroumono qu'emplegon pèr marca soun territòri.
Li cervidae an 32 dènt (0/3,0/1,3/3,3/3), a despart di rangié e di grand-bèsti qu'an li canino superiouro.
Manjon d'erbo, de fueio de buissoun e d'aubre, de champignoun.
Quàuquis espèci manjon de carne o d'iòu que troubon.
Aquéli que vivon forço à l'ubac (o en mountagno) manjon de liquen en iver (rangié subretout, mai tambèn grand-bèsti, óumoul dóu Chili).
Li pichot soun abari pèr li femello soulo, reston emé sa maire une annado.
Li femello e li jouine formon de pichot troupèu.
La majo-part di cervidae vivon dins li fourèst de l'Èurasìo e d'Americo, mai lou cèrvi de Barbarié resto dins l'Atlas, e l'óuemoul dóu Chili bat veno dins li mountagno.