rouvènço
aturo
Emberizidae
Li Emberizidae es uno pichoto famiho de passeriformes (1 gènre e 44 espèci).
Sèt espèci de passo en Prouvènço.
Soun de pichoto taio (10 à 24 cm) 15 cm pèr la majo-part. Soun pulèu brun sus lou dessus.
Mascle e femello an de coulour un pau diferènto.
An lou bè coni di manjo-grano. la mandibulo de dessouto es envertouiado pèr en dedins
(Es specifi de l'espèci).
Li pato soun pichoto, podon pas marcha, sautourlejon par trouba soun manjan au sòu.
Manjon d'invertebra, de fru e subretout de grano.
Vivon dins li mitan pulèu dubert, mai en besoun d'aubrihoun pèr se recata e nisa.
Li mascle canton bèn à la vist. D'ùni canton envòu.
Soun mounougame. La femelle pound 3 à 5 iòu e li couvo soulo. Lou mascle l'apasturo.
Li jouine soun nourri d'insèite e podon voula après 10-12 jour.
Soun óuriginàri d'Éurasìo e d'Africo. Li trobon sus tóuti li relarg de Prouvènço.
| Latin | Noum de referènci | Àutri noum emplega |
|---|---|---|
| Emberiza | Chi | Chi, Chico Chinchourlo, Cigo, Ciga(n), Rousseto, Rousseirolo, Grasset, Graisset, Verdoun, Verdun(r), Vardoun(m), Verdoulet, Verdeirolo, Pratiero |
Espèci
| Latin | Noum de referènci | Àutri noum emplega |
|---|---|---|
| Emberiza citrinella | Chi jaune | Chi ourdinàri, Verdagno, Cigo australo, Ciga noustrala(n) |
| Emberiza cirlus | Chi naturau | Chi jaune de la tèsto negro, Pichot Chi, Pitchoun Chi, Zizi, Sirro |
| Emberiza cia | Chi gris | Chi bartassié, Chi moustacho, Chi d'Auvergno, Chi farnous, Chi cendrous, Chi gavouet(v), Chi gavoua, Chico gavoueta(fem.), Trido jardiniero |
| Emberiza hortulana | Chi ourtoulan | Ourtoulan, Chi farnous, Chichi bu, Chichi begu, Io-io begu, Duei duei begu, Cigo cendrado, Bartassié, Samavi, Tantan durni, Ben nouri, Benourit, Devinaire, Pielo blad, Gingivi(Gap) |
| Emberiza melanocephala | Chi de la tèsto-negro | Chi jaune de la tèsto negro, | Emberiza schoeniclus | Chi de palun | Chi de palun, Chi de sagno, Chi de canié(m), Chi canèu(v), Chinouis, Cigoun |
| Emberiza calandra | Chi petardié | Petardié, Peterrié, Petarri, Perié, Chi perdris, Chi perdri(m), Chi seresin, Seresin, Serin, Seren, Seni, Triéu, Rousseto, Rousseirolo, |
