rouvènço
aturo
Li Phoenicopteriformes (1 famiho, 3 gènre e 6 espèci) soun d'aucèu aquati de grando taio (80 à 140 cm).
An de lóngi pato e un long còu.
La mandibulo de dessouto è mai desvouloupado qu'aquesto de dessubro.
Li flamen podon durbi lou bè siegue en aussant la mandibulo superiouro, siegue en baissant aquesto de dessouto.
Lou bè es forço bèn asata pèr filtra l'aigo. Poussèdo uno estruturo en penche emé de lamello sus lou bord di mandibulo.
S'apasturon de cruvelu e d'augo. La coulour rose di flamen prouvèn di garroutenoïde dóu nourrimen.
Lou nis è fa de fango, es un mountihoun emé un pounchoun concau, onte es poundu l'ióu unique.
Lis adulte prouduson un "la" (un pau coume li pijoun) pèr de glando au nivèu dóu tractus digestiéu (gavai...). Li pichot soun apastura emé acò dous mes de tèms.
Vivon en group, de cop qu'i'a soun forço noumbrous.
Uno espèci en Prouvènço, soucamen en Plano de coustiero e Provènço séusouso (laguno e salin).
| Latin | Noum de referènci | Noum li mai emplega | Àutri noum |
|---|---|---|---|
| Phoenicopterus | Flamen | Flamen | Becarut, Flaman |
| Latin | Noum de referènci | Noum li mai emplega | Àutri noum |
|---|---|---|---|
| Phoenicopterus roseus | Flamen grand | Flamen | Becarut, Flaman |
terro-nostro.fr : site en prouvènçau sus la naturo en Prouvènço e aiours
Terro Nostro © 2024