Li Ligour

      Se poudèn parla de l'istòri d'Egito, de Babilouno, de Fenecio que s'es passado i'a mai de cinq milo an, sabèn soulamen, que milo an av. J.C., lou marage d'Autium (Gène) i Pirenèu èro óucupa pèr un pople : li Ligour.
      Es proubable que nòstis àvi trevavon nosto terro despièi li tèms neouliti. Lou noum de Ligourìo, pèr nosto regioun, se trobo dins la literaturo grèco dóu siècle VI av. J.C.

      Li Cèlto e Galés venguèron en Prouvènço vers lis annado 600 à 500 av. J.C. Se mesclèron à la populacioun, mai fuguèron sèmpre en minorita.
      Li Ligour èron divisa en tribu. Quand li Cèlto venguèron dins noste païs fourmèron emé li Ligour, entre Rose e Aup, tres federacioun de tribu.

À l'uba de Durènço : ~ li Cavare - capitalo Arausio (Aurenjo)
                          ~ li Vocóunci - capitalo Ouasis (Veisoun)
À soun miejour :     ~ li Sàli - capitalo Entre-Mount

      Dins li federacioun i'aguè quàqui celto, mai la majo part de federa èron di Ligour.
      La federacioun di Sàli fuguè mai qu'impourtanto. Se póu dire que pèr la proumiero fes, dins noste païs, l'idèio de nacioun espeliguè. Aquelo nacioun s'esplandissié de la mar enjusco Durènço, dóu Rose fin qu'au Var.

      Dins lis Aup, entre lou sourgènt de l'Isero e aquèu dóu Var, sus li pendis pounentés e óurientau, douge tribu fourmèron lou reiaume de Segusini - capitalo Seguisium (Suso). En l'an 8 Av. J.C., alor que regnavo Cottius, li Rouman counqueriguèron lou païs. Cottius fuguè nouma prefèt, e li Rouman apelèron lou reiaume "Regnum Cotii".