Massalia s'engano

      En 60 av.J.C., lou senat rouman fourmè un gouvernamen emé Cesar, Poumpèi e Crassus.
Fugué lou proumié triumvirat (Cesar èro lou Nebout de Marius).

      Li trumvir avien ensèn lou poudé eisecutiéu mai lou senat avié reparti lou poudié en deforo : - La Gaulo à César,
- L'espagno e l'Africo à Poumpèi,
- L'Asìo à Crassus.

      Crassus partigué en óuriènt e fuguè tua en 53 av.J.C..
Cesar soumeteguè tout lou païs galès (Alesia 52) emai devenguè celèbre.
Poumpèi venguè à Roumo e s'acouquinè emé lou senat pèr pendre, soulet, le poudé.

      Cesar decidè de coumbatre Poumpèi.
Sènso l'autourisacioun dóu senat, passè lou Rubicoun e intrè sus li pròpri terro de Roumo.
Alor, Poumpèi quitè la ciéuta pèr l'Epiro (Grèço).
Cesar autant léu decidè de passa pèr Prouvènço pèr ana en Espagno ounte reston sèt legioun de Poumpée.

      Massalia, qu'avié besoun de Poumpèi pèr soun coumerce maritime e de Cesar pèr soun coumèrci emé la Gaulo,
vouguè resta nèutro.
La ciéutat aguènt reçaupu dins soun port de nave de Poumpèi, Cesar troubè li porto de la vilo barrado.

      Cesar, que n'avié ges de floto, coumandè à Arelate douge nave de guero, pièi coumencè lou sèti (Abriéu 49).
En setèmbre, après uno desfacho sus mar e lou derrò d'uno tourre di bàrri, Massalia cridè sebo.
Lis emparo fuguèron destrucho. La ciéutat fouceieno perdeguè tóuti si terro e si coumtadou mai pousquè garda Nikaia.

      En 48 à Farsale (grèço) 3000 000 soudard se bateguèron, Cesar espoutiguè l'armado de Poumpèi.
Cesar devenguè lou mestre de Roumo.